PUPUH KINANTI ᮕᮥᮕᮥᮂ ᮊᮤᮔᮔ᮪ᮒᮤ
#Yus Wiradiredja#
ᮒᮤᮘᮥᮘᮥᮓᮊ᮪ ᮙᮞᮤᮀ ᮏᮥᮔᮥᮔ᮪
ᮅᮜᮂ ᮃᮛᮦᮊ᮪ ᮜᮔ᮪ᮎ ᮜᮤᮔ᮪ᮎᮤ
ᮒᮤᮀᮊᮂ ᮕᮧᮜᮂ ᮞᮤᮀ ᮙᮨᮛᮨᮔᮂ
ᮒᮥᮁ ᮘᮤᮞ ᮍᮏᮌ ᮓᮤᮛᮤ
ᮞᮜᮙᮨᮒ᮪ᮔ ᮊᮠᮤᮛᮥᮕᮔ᮪
ᮘᮌ᮪ᮏ ᮜᮠᮤᮁ ᮛᮩᮏᮩᮀ ᮘᮒᮤᮔ᮪
tibubudak masing junun
ulah arék lanca linci
tingkah polah sing merenah
tur bisa ngajaga diri
salametna kahirupan
bagja lahir reujeung batin
**Tandak Panambih**
ᮄᮒᮥ ᮌᮥᮔᮥᮀ ᮔᮥ ᮍᮛᮤᮅᮀ
ᮝᮃᮞ᮪ ᮕᮤᮞᮔ᮪ ᮓᮤᮒᮤᮀᮌᮜᮤ
ᮍᮛᮤᮅᮀ ᮃᮜᮤᮙ᮪ ᮕᮕᮤᮞᮂ
ᮊᮥ ᮆᮔ᮪ᮓᮂ ᮛᮊᮨᮒ᮪ ᮍᮠᮤᮏᮤ
ᮆᮒ ᮒᮦᮂ ᮠᮤᮏᮤ ᮌᮙ᮪ᮘᮛᮔ᮪
ᮏᮩᮀ ᮕᮕᮓ ᮞᮤᮜᮤᮂ ᮃᮞᮤᮂ
itu gunung nu ngariung
waas pisan ditinggali
ngariung alim papisah
ku éndah raket ngahiji
éta téh hiji gambaran
jeung papada silih asih
Pupuhna tiasa didangukeun di dieu (klik tombol di handap)
Hatur nuhun... ᮠᮒᮥᮁ ᮔᮥᮠᮥᮔ᮪
Tidak ada komentar:
Posting Komentar